និស្សិតស្រីម្នាក់ ដួលម៉ូតូបោកនឹងថ្នល់ រងរបួសធ្ងន់
13-January-2016 | ដោយ មួយឡា
ភ្នំពេញ៖ បុរសម្នាក់បើករថយន្ដ CAMRY ឆ្លាម១គ្រឿងបើកមកចតចាំប្រពន្ធនៅតាមចិញ្ចើមផ្លូវ ចូលទិញម្ហូបក្នុងផ្សារទួលសង្កែ បានបើកទ្វាររថយន្ដមិនមើលមុខក្រោយបានប៉ះទាក់ដៃចង្កូតនិស្សិតស្រីម្នាក់ដែលបើកម៉ូតូ សង់ឌ្រីម C១២៥ ស្របទិសគ្នាបណ្ដាលឲ្យដួលបោក នឹងថ្នល់ស្ទើរដាច់មេជើងនិងបានដឹកយកទៅសង្គ្រោះ នៅឯមន្ទីរពេទ្យកាល់ម៉ែតភ្លាមៗនៅវេលាម៉ោង៤៖០០នាទីរសៀល ថ្ងៃទី១២ ខែមករា ឆ្នាំ ២០១៦ នៅចំណុចផ្លូវលេខ៦២R ខាងជើងជាប់វត្តទួលសង្កែ ក្រុម១៤ ភូមិទួលសង្កែ សង្កាត់ទួលសង្កែ ខណ្ឌឫស្សីកែវ។
និស្សិតស្រីរងគ្រោះឈ្មោះ តុន ចាន់ថេន អាយុ២២ឆ្នាំ ស្នាក់នៅផ្ទះជួលសង្កាត់ទឹកថ្លា ខណ្ឌសែនសុខ និងជាម្ចាស់ម៉ូតូសង់ឌ្រីម C១២៥ សេរីឆ្នាំ២០១៤ ពណ៌ខ្មៅពាក់ស្លាកលេខភ្នំពេញ ១CQ-១៤៥១។ រីឯជនបង្កឈ្មោះ ធី ប៊ុណ្យ អាយុ៤១ឆ្នាំ មានមុខរបរជាមន្ត្រីអាវុធហត្ថ ស្នាក់នៅភូមិជ្រៃកោងសង្កាត់ចោមចៅ ខណ្ឌពោធិ៍សែនជ័យ ព្រមទាំងជាម្ចាស់រថយន្ដ CAMRY ឆ្លាមពណ៌ស្ករពាក់ស្លាកលេខភ្នំពេញ ២D-៧១៧៤។
មន្ត្រីនគរបាលប៉ុស្ដិ៍ទួលសង្កែ បានឲ្យដឹងថាមុនពេលកើតហេតុបុរសជាម្ចាស់រថយន្ដបានបើករថយន្ដរបស់ខ្លួន ពីលិចមកកើតមកឈប់នៅចំណុចកើតហេតុដោយរង់ចាំប្រពន្ធចូលផ្សារទួលសង្កែដើម្បីទិញម្ហូប ដោយបើកទ្វាររថយន្ដមិនមើលមុខក្រោយស្របពេលនិងម៉ូតូរបស់និស្សិតស្រីម្នាក់បើកមកដល់ទាក់ដៃចង្កូតដួលប្លោងអូសស្ទើរដាច់ម្រាមជើងនិងត្រូវបានសមត្ថកិច្ចហៅរថយន្ដសង្គ្រោះដឹកយកទៅមន្ទីរពេទ្យកាល់ម៉ែតភ្លាមៗផងដែរ។ មន្ត្រីនគរបាលប៉ុស្ដិ៍ទួលសង្កែបានឲ្យដឹងទៀតថា ក្រោយពីរធ្វើការវាស់វែងរួចរាល់រថយន្ដនិងម៉ូតូត្រូវបានយកមករក្សាទុករង់ចាំដោះស្រាយតាមផ្លូវច្បាប់នៅពេលក្រោយ៕ ដោយ មែន កំសត់
ចំនួនអ្នកទស្សនា
- ថ្ងៃនេះ13821
- ម្សិលមិញ12561
- សប្តាហ៍នេះ41771
- ខែនេះ63651
- ឆ្នាំនេះ63651
- សរុប20506107